NAUSWAG ang induction ni anhing Kobe Bryant ngadto sa United States basketball hall of fame karon nang 2021.
Si Bryant, kinsa namatay kauban ang laing walo ka mga sakay sa helicopter crash, nakatakda na untang ipahiluna sa Massachusetts-based Naismith Basketball Hall of Fame karong Agusto 29 ning tuiga.
Apan gumikan sa pagkuyanap sa coronavirus disease 2019 (Covid-19), hayan naahat ang mga tigpasiugda nga iuswag ang kalihukan.
"We're definitely canceling," matod ni Hall of Fame spokesman Jerry Colangelo. "It's going to have to be the first quarter of next year. The board will meet in a couple of weeks and look at the options of how and when and where."
Lakip sa kadungan ni Bryant nga ipahiluna sa sunod tuig mao ang sama niyang kanhi superstars sa National Basketball Association (NBA) nga sila si Tim Duncan ug Kevin Garnett.
Sa edad nga 46, ang kanhi pambato sa Los Angeles Lakers nipanaw niadtong Enero 26, 2020.
Kauban nipanaw ni Bryant gikan sa nahisgutang trahedya an iyang 13 anyos nga anak nga si Gianna.
Si Bryant nahimong 18-time NBA all-star, five-time NBA champion ug three-time NBA finals MVP sulod sa duha ka mga dekada niyang pagduwa sa Lakers. (ESL)