NASAYOD si James Yap nga hapit nang motiklop ang iyang karera sa Philippine Basketball Association (PBA).
Sa dili pa siya hingpit nga moretiro, nanghinaot ang gitawag og “Big Game James: nga makabaton pa siya og laing titulo ubos sa kampo sa Rain or Shine Elasto Painters.
“Pang three years ko na sa Rain or Shine so sana bago man lang matapos yung career ko makapag-champion din naman sa Rain or Shine kahit paano,” matod sa two-time MVP nga napatik sa www.pba.ph. “Kahit isang championship lang.”
Sukad sa blockbuster trade nga nagpabalhin ni Yap gikan sa Purefoods franchise ngadto sa Rain or Shine baylo kang Paul Lee, ang produkto sa University of the East (UE) Red Warriors wala pa nakatamak og balik sa finals.
Ang labing taas naabot ni Yap ubos sa kampo sa Rain ot Shine mao ang deciding Game 7 semi-finals sa 2019 Philippine Cup diin napilde sila sa Magnolia Hotshots.
Sa Purefoods franchise, si Yap, kinsa four-time MVP Finals, nakaangkon og pito ka mga kampiyunato. (ESL)