321 naulian na sa Covid

ANG Cebu City Government nakatala og 321 ka recoveries sa coronavirus disease (Covid-19 sa Mayo 29, 2020.

Si Mayor Edgardo Labella maoy nipahibawo niini, diin iyang gihulagway nga nag-anam na og kunhod ang nayakboyan sa virus samtang nag-anam og kadaghan ang naka-recover.

“I have good news to tell. Of the 2,144 confirmed cases, ang Cebu City karon has a recovery of additional 321 individuals, making a total of 792 recovered Covid-19 patients who were isolated in our BIC but they are due for release,” matod ni Labella.

Niabot na og 792 ka mga individual ang naka-recover sa Covid-19 kun 36.9% recovery rate samtang anaa sa 1.26% (27 deaths) ang mortality rate sa siyudad. Sa pagkakaron, ang Cebu City anaa na lay sa 1,325 active cases sa Covid-19.

Ang recoveries gikan sa Mambaling (279); Tejero (22); Labangon (15); Mabolo (2); Lahug (1); Capitol Site (1); ug Luz (1).

Ang grupo nilang Assistant City Administrator Junine Aragones, Kimhe Chan, Editha Peros maoy ni-facilitate sa pagpagawas sa mga kanhi asymptomatic Covid-19 positive.

Si Labella nagkanayon nga sama sa naandan, ang tanang makagawas sa barangay isolation center (BIC) pahatagan gihapon sa mayor og tag 25 kilos nga bugas ang matag pasyente nga naka-recover

Samtang nakatala og 89 ka bag-ong mga kaso sa Covid ang dakbayan sa Mayo 29.

Ang bag-ong mga kaso nagagikan sa Barangays Duljo (2); Mambaling (13); Sambag 2 (5); Camputhaw (2); San Nicolas Proper (4); Sawang Calero (7); Tinago (1); Luz (1); Tejero (1); Suba (1); Ermita (26); Guadalupe (1); Pasil (8); Basak San Nicolas (2); Punta Princesa (1); Labangon (3); Lahug (1); Carreta (1); Mabolo (3); Capitol Site (2); Apas (1); San Antonio (1); Cogon Pardo (1); ug Tabunan (1). (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph