SUPERBALITA CEBU

Retiradong pulis gipatay tungod sa gidiling druga?

PAGKALAMBINGIT sa gidiling drugas lakip sa daghang anggulo nga gisubay karon sa imbestigasyon sa kapulisan bahin sa kasong pagpusil-patay ni retired Police Staff Master Sergeant Brazilio Borinaga gawas sa ilang balay niadtong Mayo 28, sa Camp Marina, Barangay Kalunasan, siyudad sa Sugbo.

Naumol na ang special investigation task group (SITG) nga motutok sa kaso ni Borinaga nga gipusil-patay sa bugtong mamumuno.

Nakaangkon og mga samad sa lawas ug ulo si Borinaga nga hinungdan sa iyang hinanaling kamatayon.

Matod ni Cebu City Police Chief Police Colonel Josefino Ligan, ang naglangkob sa SITG mao ang kapulisan sa Guadalupe Police Station, City Intelligence Branch (CIB), City Investigation and Detective Management Branch (CIDMB) ug Criminal Investigation and Detection Group (CIDG) 7.

Gilauman nga pinaagi sa SITG, mapadali ang pagsulbad sa kaso sa kamatayon ni Borinaga.

Matod ni Ligan, ang mga kasayuran nga ilang nasagap maoy usa sa ilang subayon sa imbestigasyon aron makakuha sila og lead sa kaso.

“There were reports he was also transferred to Mindanao because of his involvement ( sa druga) though it was not yet confirmed. We are also looking into that angle (drugs) if ever naa gyud iyang kalabutan nga involve siya sa ilegal nga drugas,” matod ni Ligan.

Ipasusi usab ni Ligan ang mga kuha sa CCTV camera sa balay sa biktima lakip na sa mga silingang panimay nga mahimong nakakuha sa pag-abot sa giingong nagbinugtong nga gunman.

Gitahasan karon ang imbestigador sa Guadalupe Police station nga mobalik sa dapit aron mokuha og pamahayag sa mga saksi.

Kuhaan usab og pamahayag ang live-in partner sa biktima kung wala ba makadawat og hulga sa kinabuhi si Borinaga sa wala pa mahitabo ang pag pamusil. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph