SUPERBALITA CEBU

Mga estabilisemento sa serbisyo gitugotang moabli apan limitado

MGA salon, barberohan, militado nga dine-in sa mga kan-anan ug ubang estabilisemento sa susamang serbisyo ang tugotan nang makaabli apan pasiunang katunga lang sa ilang operasyon ubos sa modified general community quarantine (MGCQ), sumala sa Department of Trade and Industry (DTI).

Sa pagkakaron, ang DTI uban sa Inter-Agency Task Force for Emerging and Infectious Diseases (IATF-EID) nagtuon sa health protocol standards padulong sa hingpit nga pag-abli sa mga estabilisemento sa general community quarantine (GCQ).

Ang IATF unang nipahibalo sa pagpaubos sa dakbayan sa Sugbo ug pipila ka dapit sa nasod sa modified general community quarantine (MGCQ) human sa enhanced community quarantine (ECG).

Apan si Mayor Edgardo Labella sa dakbayan sa Sugbo nipadala og suwat-apelasyon sa IATF-EID bahin sa pagpaubos sa dakbayan sa GCQ human sa ECQ sa Dominggo, Mayo 31.

Sumala sa IATF, ang MGQC nagpasabot nga transition phase tali sa GCQ ug bag-ong normal uban sa pag-abli sa tanang negosyo ug serbisyo.

Sa bag-ong normal, mas gipaluagan ug dili na limitado ang paglihok ug transportasyon apan gipaneguro nga masunod ang protocol sa bag-ong normal.

“The IATF recognizes that salons and barbershops employ over 400,000 people. While we want for them to reopen in the General Community Quarantine (GCQ), we also need to take into consideration the pressing concern that this industry, which may cause further transmission, should institute strict measures to prevent such risks of passing infection,” matod ni DTI Secretary Ramon Lopez.

Ang salons ug barbershops kinahangan mopahaum sa bag-ong normal sa ilang serbisyo sa ilang kustomers panahon sa quarantine sa Covid-19.

Ang Salon De Rose, diha sa ilang official Facebook page, nipahibalo nga ang ilang salon nipatuman sa protocol.

Sa paglikay nga magpaabot ang mga kliyente, kinahanglan nga magpa-book daan alang sa ilang serbisyo aron maatiman dayon.

“We prioritize those who book an appointment to avoid overcrowding in the salon,” dugang sa pamahayag sa kompaniya. (JOB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph