SUPERBALITA CEBU

Checkpoints ipatangtang ni Garcia; miapelar alang sa MGCQ

Cebu Governor Gwendolyn Garcia. (SunStar file)

IPATANGTANG sa Provincial Government ang border control ug checkpoints.

Buot ni Gobernador Gwendolyn Garcia nga kuhaon na ang checkpoints ug border control sulod sa lalawigan sa Sugbo sa Hunyo 12, atol sa Independence Day celebration sa nasod. Kini maoy gianunsyo sa gobernador sa Mayo 30, 2020, atol sa tigom sa kadagkoan sa mga lungsod lukop lalawigan sa Sugbo.

Paagi kini aron makabalik na ang mga Sugboanon sa bag-ong normal nga kinabuhi ug pagpanginabuhi.

Usa usab kini sa mga yangungo sa kadagkoan sa local government units tungod sa lisod nga pag-agi kon makabalik na sa pagpanrabaho ang ilang mga konstituente.

"Let us remember that we are living in the context of democracy and in the context of our oath. I am saying this on, because in the province of Cebu there should be no more borders, no more border controls," matod ni Garcia.

Sa nasabutan, ipatuman kini sa Hunyo 12, itumong sa Adlaw sa Kagawasan.

Matod ni Garcia nga ang kasinatian ug epekto sa coronavirus disease (Covid-19) nahimong dakong hamok alang sa kagawasan sa mga tawo ug sa ekonomiya sa Sugbo.

"We've had from March 30 or even earlier months of seeing this. Taking away freedom of people with the context of protecting them. Their freedom is curtailed," matod ni Garcia.

LUAGAN

Sa Hunyo 3, gikatakda ang pagpaluag na usab sa restrictions sa mga empleyado nga mosulod guwa sa kalungsoran. Mahimong company identification (ID) cards ug certificate of employment na lang ang dad-on. Apan kinahanglan nga mosubay gihapon sa mga health protocol nga gipatuman sama sa pagsul-ob og face mask ug pag disinfect.

Sa maong higayon kinahanglan nga masiguro usab sa local chief executives (LCE) ang listahan sa mga konstituente niini nga na stranded sa lain nga lungsod o probinsya ug buot na mopauli dinhi sa Sugbo.

Si Liloan Mayor ug pangu sa League of the Municipalities of the Philippines (LMP), Christina Garcia-Frasco, nipahibaw nga kinahanglan sa di pa ang Hunyo 5 makahatag na ang mga lungsod sa listahan sa na-stranded nga mga konstituente niini.

Kini alang sa pagpangandam na sab sa mga lokal nga kagamhanan sa pag-abot sa mga Sugboanon sa nagkalain-laing lungsod. Sa panahon nga matangtang na ang borders ug checkpoints, mobalik na sa naandang agianan ang mga Sugboanon.

Alang sa habagatan nga bahin sa Sugbo, mahimong mo bukas na ang duha ka mga agianan nga mao ang Cebu South Coastal Road (CSCR) ug Bulacao- Talisay border.

Samtang sa amihanan, gipahibaw sa dakbayan sa Mandaue nga wala'y problema kon mo ulod guwa ang mga Sugboanon sa ilang nataran.

Sa Mayo 28 nipahibawo ang Department of Interior and Local Government (DILG) sa kaulohan nga di na kinahanglan ang quarantine passes sa mga border ug checkpoints sugod Hunyo 1. Hinuon may health protocols gihapon nga sundon.

MOAPELAR

Sa pagsuwat niining balita, ang lalawigan sa Sugbo nalakip gihapon sa general community quarantine (GCQ).

Tungod niini moapelar si Garcia sa Inter-Agency Task Force (IATF) sa kaulohan nga ipaubos na sa modified general community quarantine (MGCQ) ang lalawigan sa Sugbo.

Mao kini ang desisyon ni Garcia human nga mipahibaw ang kaulohan nga lakip gihapon ubos sa General Community Quarantine (GCQ) ang lalawigan sa Hunyo 1 ngadto na sa Hunyo 15.

"But I intend to appeal to that. I have already talked with the co-chair of our Regional IATF, both with Dr. Bernadas and PD Lucero that we will appeal. Because, this is not the Province intends to do. Di ta magpabilin nga GCQ, we should move on to the next level or beyond that because we are ready for that," matod ni Garcia.

Atol sa pagsugod sa tigom, giladlad ni Garcia ang mga datos sa mga positibong kaso sa lalawigan ug gitandi kini sa mga namatay ug na positibong kaso sa laing mga syudad ug laing nasud. Matod niya nga di angay nga kahadlokan ang Covid-19 sanglit susama lang kini sa ubang mga kagaw nga makadaot usab sa lawas sa tawo.

Gimandoan niya ang tanan nga mga LCE nga pasabton ang mga tawo labot sa unsay buhaton aron makairog na ang probinsya sa sunod nga lebel paingon na sa new normal.

"Kamo ang mo lead pagpakita nga we are not afraid of this virus. That a positive case is your failure. Do not treat it as you got 65 in school. Kay kadaghanan ninyo og naay mogawas nga positive manga depress mo. That should not be the case," matod ni Garcia.

Ang Probinsya nag huwat pa sa hukom sa IATF kon tugotan na ba kini pagpaubos sa MGCQ alang na sa pagpatuman sa tanang lagda nga nasabutan. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph