ANG aktor nga si Sam Milby ug ang beauty queen Catriona Gray na gyud.
Kon kahinumdoman sayo ning tuiga atol sa gipahigayong surprise birthday party sa atong Miss Universe Catriona Gray, adunay nigawas didto nga mystery guy.
Ang maong mystery guy maoy gisumsoman niadtong higayona labi na sa social media.
Daghan ang mga nitag-an kon kinsa ang maong lalaki nga nakauban sa beauty queen kay dili man maklaro sa mga hulagway si Sam Milby.
Nag-trending ang espekulasyon nga may relasyon ang duha, usa ka tuig na usab nga buwag na si Catriona ug ang iyang uyab niadto. Duna pa silay laing pictures nga nang-gawas. Pero gihimakak nila ni niadto kay gawas nga kauban sila og network, kauban sad sila sa simbahan.
Sa interbyu ni Boy Abunda, matod ni Catriona nga higala lang sila ni Sam.
Apan karon nga gikumpirmar na sa aktor ang pangutana kon pila na sila ka tuig? Mao kanay angay nilang tubagon. Ay'g saba!
Malipayon sab nga giselebrar nilang Daniel Padilla ug Kathryn Bernardo ang ilang ikawalo nga tuig isip couple.
Simple lang kini nilang gipahigayon bisan og may lockdown, mao nay atong nakita sa mga post usab nila sa social media. Ang inahan mismo ni Kathryn ang nag-share niini sa Instagram.
Mapasalamaton sila sa ilang fans nga ni- greet nila ug nihatag og mga pagkaon.
Nag-share og mensahe sa Instagram ang Angelica Panganiban sa iyang sa iyang on-screen mother nga si Cherry Pie Picache nga nag-birthday.
May picture pa nilang duha ug may mensahe nga tinood nga mama ang iyang pagbati ngadto kang Cherry Pie.
Mapasalamaton ang actress kay daghan siyag nakat-onan kang Cherry Pie ug kang Agot Isidro usab nga nakauban niya sa "Call Me Tita" nga serye sa iWant. Ay'g saba!