DUL-AN sa 200,000 ka Filipino healthcare workers wa madayon paggawas sa nasod human ang Philippine Overseas Employment Administration (POEA) ni-ban sa pagpagawas nila taliwa sa coronavirus disease (Covid-19) pandemic.
Sa usa ka virtual press conference, si Labor Secretary Silvestre Bello III niingon nga usa lang ka porsyento sa 200,000 ka mga trabahante ang nakabiya sa nasod bisan sa exemptions nga gihatag sa Inter-Agency Task Force (IATF) for the Management of Emerging Infectious Diseases.
"Our total deployment of health workers for April was 1,107. That means 99 percent were prevented from leaving and less than one percent were able to leave," matod ni Bello.
Ang pagpatuman sa enhanced community quarantine sa kadaghanan sa mga dapit sa nasod mao ang nakapugong sa maong mga trabahante sa pagbiya.
"We can also say that deployment was really slow because their recruitment agencies are likely to be working with skeletal workforces only, so the processing of their papers cannot be expedited," nagkanayon si Bello.
Sa miaging buwan, ang POEA nipahamtang og deployment ban sa pinili nga mga matang sa health workers sa rason nga nagkagamay na lang ang mga trabahante sa local nga mga ospital tungod sa Covid-19 pandemic.
Kadtong covered sa ban naglakip sa medical doctor/physician, nurse, microbiologist molecular biologist, medical technologist, clinical analyst, respiratory therapist, pharmacist, laboratory technician, X-ray/radiologic technician, nursing assistant/nursing aide, operator of medical equipment, supervisor of health services and personal care, ug repairman sa medical-hospital equipment.
Ang IATF hinuon nimando sa exemption sa mga trabahanteng duna nay napirmahang mga kontrata sa Marso 8. (HDT, Sunstar Philippines)