DEAR Papa Joe,
Tawga lang ko sa ngalan nga Jonalyn, hingkod ang pangidaron. Inig June 1, mao na ang general community quarantine (GCQ) ug makatrabaho na kasagaran nga nag stay at home.
Mao ni nakaproblema nako, Paps, kay ako usa ko sa skeletal force nga nagtrabaho during enhanced community quarantine (ECQ). Sa tinuod lang, naanad na ko bisan stay in mi sa among work ug mao ni nakapabalaka nako karon kay mangabot na among mga kauban sa trabaho. Ang akong gikahadlukan mao nga naa unya nagdala nila og virus ug matakdan na hinuon mi kay expose na baya sila sa gawas inig commute nila.
Ambot, sakto ba ning akong kabalaka o basin nahug na ko ani og selfish kay naanad na ko nga gamay ra mi. Palihug tambagi ko.
JONALYN
Jonalyn,
Sa tinuod lang, nindot gyud nga i-extend ang ECQ kon wa pay vaccine. Pero ang reyalidad lisud limuran nga kinahanglan gyud sad na motrabaho kay mag-unsa na man lang ang pamilya sa uban. Di man tanan pareha og sitwasyon nga naka work from home or naay pundo o ayuda.
Kinahanglan gyud ato ning atubangon, pero extra amping ug pag-ampo sa Ginuo nga ilikay kita sa maong sakit. Way kasiguraduhan atong kinabuhi. Buot huna-hunaon kay di lang Covid ang kahadlukan lang nga sakit, naa pay uban nga nataligam-an nato nga naa na nato sad.
Again, Day, extra careful, follow lang gyud sa guidelines nga mag-face mask, social distancing ug panghugas o pang-alcohol sa kamot. Daghang salamat.
PAPA JOE
(sa inyong tampo ipadala sa papajoesuperb@gmail.com)