SUPERBALITA CEBU

Crawford ma-knockout ni Pacquiao: Douglas

American Terence Crawford

MA-KNOCKOUT si Word Boxing Organization (WBO) welterweight champion American Terence Crawford kon madayon ang pagpakig-away niini kang Filipino boxing icon Manny Pacquiao.

Mao kini ang pangagpas ni www.nowboxing.com columnist Brian Douglas.

Sa iyang artikulo, nagkanayon si Douglas nga nasayod siyang modagan-dagan si Crawford sa away gumikan kay dili masugakod niini ang gikahadlukan wa nga kumo sa Pambansang Kamao ng Pilipinas.

Alang kang Douglas, aduna pa'y saktong ikabuga si Pacquiao nga kayang mopaundang sa sama og abilidad sa 32 anyos nga si Crawford.

Bisan nag-edad na si Pacquiao og 41, dako ang pagtuo ni Douglas nga kaya pang lupigon niini ang ubang world champions sa iyang timbang.

Gihimong ehemplo ni Douglas ang nahitabo kang Keith Thurman, kinsa giilugan ni Pacquiao sa World Boxing Association (WBA) welterweight title pinaagi sa split decision niadtong Hulyo, 2019.

Tinuod nga impresibo ang rekord ni Crawford nga 36-0, 27 KOs apan alang kang Douglas, layo ra kini og kasinatian kumpara sa fighting senator sa Pilipinas.

Gisaway ni Douglas si Crawford nga daw nagtago lang sa suok ug naghuwat nga magbinukbokay ang labing maayong mga boksidor sa iyang timbang.

Gitumbok ni Douglas ang panahon diin nga nakigbinukbokay si Pacquiao nila ni Puerto Rican Miguel Cotto, Mexican legends Marco Antonio Barrera, Erik Morales, Juan Manuel Marquez ug uban pang dekalidad nga mga boksidor sa ubos nga timbang.

Sa banabana ni Douglas, nakiglahugay na unta si Crawford ning maong mga panahuna kon sakto pa kini og abilidad.

Gidayeg og maayo ni Douglas si Pacquiao gumikan kay wala kini kahadlok nga makingkontra sa labing maayong mga boksidor nga naa sa radar sa iyang timbang.

Sa pag-abot ni Pacquiao, sunodsunod niyang gipangbiktima ang labing bantugang mga boksidor kaniadto hinungdan nga naabot niini ang usa sa labing taas nga estado sa boksing. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph