SUPERBALITA CEBU

Barrita: 'Distance learning'

Tikdul-tikdol

MAGSUGOD karong adlawa, Lunes, Hunyo 1, ang enrollment alang sa mokabat sa 27 milyones ka mga estudyante sa elementary ug high school sa tibuok nasod. Lakip kini sa pagpangandam sa Department of Education (DepEd) sa gitakda nga pagbukas sa klase sa Agusto 24, kon madayon man gani.

Giaprobahan sa Inter-Agency Task Force on Emerging Infectious Diseases ang rekomendasyon sa DepEd nga buksan pagbalik ang klase sa Agusto 24. Ang school year matapos sa Abril 30, 2021. Gisirad-an ang mga klase niadtong Marso tungod sa Covid-19 pandemic.

Si Presidential Spokesman Harry Roque niingon nga kinahanglan nga magpa-enroll ang mga estudyante aron ma-assess sa mga magtutudlo kon angay ba sila nga i-promote sa sunod nga ang-ang sa edukasyon.

Apan madayon gyud kaha ang pagbukas sa mga klase sa Agusto 24? Si Presidente Rodrigo Duterte namahayag nga di siya motugot nga mobalik ang mga estudyante sa mga eskuylahan hangtod nga wa pay bakuna batok sa Covid-19 tungod sa kadako sa risgo.

“For me, vaccine first. If the vaccine is already there, then it’s OK. If no one graduates, then so be it,” matod sa pangulo. Ang scientists nagkapuliki pa sa pagmugnag bakuna ug tambal sa Covid-19.

Ang mga ginikanan nangahadlok sab nga mopaeskuyla sa ilang mga anak tungod sa corona virus. Ang DepEd mipahibawo sa mga paagi sa alternative learning system ug distance-learning, lakip na sa online classes.

Apan ang online classes maayo lang sa mga lugar nga dunay Internet o signal sa cellphone ug kadtong dunay laptop, tablet o smartphone. Minilyon sa mga estudyante gikan sa mga kabus nga pamilya way Internet ug labaw pang wa niining maong gadgets.

Ang mga opisyales sa DepEd niingon nga way kabalak-an ang mga ginikanan. Di na sila kinahanglan nga mopalit pag gadgets kay ipaimprinta man ang mga learning materials alang sa mga estudyante ubos sa distance learning.

Sa among panahon, ang distance learning tinuod gyud nga layo. Pangutan-a lang si Engr. Remedios Abarca, Robinson Malabon, Leonardo Pepito ug uban pang taga Cabadiangan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph