SUPERBALITA CEBU

16 ka pulis sa San Fernando gikuwarentina

Image from Google Maps

DUNAY 16 ka mga pulis sa San Fernando Police Station ang gikuwarentina human nakakontak sa ilang dinakpan nga positibo sa Covid-19.

Unang gi-lockdown ang detention cell apan, giapil na karon ang buhatan sa kapulisan sa lungsod.

Dominggo, Mayo 31, gikuhaan ang kapulisan og swab sample ug gipaabot ang resulta niini.

Siyam kanila naa sa police station, upat naa sa barangay isolation center (BIC) ug tulo naka-home quarantine.

Matod ni Police Colonel Roderick Mariano, hepe sa Cebu Provincial Police Office (CPPO), nga kasamtangan una nila nga gi-lockdown ang police station ug walay bisan usa ka personnel nga makasulod.

Ang usa sa mga dinakpan nga nagpositibo, matod ni Mariano, naa kini sa Vicente Sotto Memorial Medical Center (VSMMC).

Dugang ni Mariano nga wala lang una pagawsa ang 10 ka pulis samtang wala pa mogawas ang resulta sa swab test kanila samtang sa gawas lang una mag-opesina ang ubang pulis aron modawat sa mga reklamo.

Gipasalig niini nga dili maapektohan ang batakang serbisyo sa pulis sa San Fernando bisan pa man nga nakuwangan na sila og 10 ka pulis tungod kay magpadayon man ang ilang trabaho.

Nagdugang na usab siya personnel gikan sa Quick Response Team nga motabang sa San Fernando Police Station.

Ang lokal nga kagamhanan sa lungsod miabag na usab sa kapulisan nga ma-isolate ang usa sa ilang dinakpan aron dili na kini makatakod pa sa laing binilango sa dentention cell sa lungsod. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph