SUPERBALITA CEBU

25 anyos unang kaso sa Covid-19 sa Moalboal

ANG lungsod sa Moalboal nitala sa labing unang kaso sa coronavirus disease 2019 (Covid-19) sa habagatan sa lalawigan sa Sugbo.

Mao kini ang gipahibalo sa Badian Rural Health Unit (RHU) sa official Facebook page nga namantala niadtong gabii sa Marso 31, Martes.

Ang unang pasyente sa lungsod usa ka babayeng bag-ong nanganak ug may gihambin nga hubak.

Ang 25-anyos nga babaye nagpuyo sa Barangay Bugho ug nanganak kini sa usa sa mga ospital sa dakbayan sa Sugbo sa Mayo 9, Lunes, diin siya gikuhaan og swab.

Na-discharge ang maong pasyente sa Mayo 16 kuyog sa upat ka mga kauban niini sa pamilya.

Sa Mayo 18, Miyerules, samtang gi-monitor sa Barangay Health Workers, daling gi-admit sa Badian District Hospital ang pasyente human nga naglisod kini pag ginhawa. Tungod niini, mikuha og laing swab ang ospital aron masiguro.

Ang pasyente, masuso ug ang bana gibalhin na sa isolation facility sa siyudad sa Sugbo alang sa 14 ka adlaw nga mandatory quarantine samtang naghuwat sa resulta.

Gisugdan na sa pangagamhanan sa lungsod ang pag subay sa mga tawo nga nakahimamat sa pasyente atol sa pag uli niini sa lungsod. Estriktong monitoring ug kanunay nga pag-disinfect sa Bugho ang gipatuman.

Nanawagan ang lungsod nga bisan pa man sa gilaraw nga pag-transition, dili mo kumpyansa ang tanan og magpabilin nga alerto, pagsubay sa health protocol sa Department of Health (DOH) aron malikay sa Covid-19. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph