Sumbanan sa MGCQ sa North Cotabato gipagawas

DAVAO. Mapa sa North Cotabato. (Google Maps)
DAVAO. Mapa sa North Cotabato. (Google Maps)

KIDAPAWAN CITY -- Sugod Lunes, Hunyo 1, 2020, gipatuman na ang modified general community quarantine (MGCQ) sa tibuok probinsya sa Cotabato.

Nia ang mga sumbanan nga angay sundon sa North Cotabato sa MGCQ:

1. Suspendido na ang paggamit sa quarantine pass. Puwede na mogawas apan kon walay kinahanglang transaksyon o adtoan, mamahimong magpuyo nalang sa panimalay, ilabi na ang mga minors ug senior citizen.

2. Itago ang mga quarantine pass kay kon ibalik sa probinsya ang ECQ, puwede gihapon magamit.

3. Tugtan na ang religious activities apan kinahanglan 50 porsiyento lang ang sulod sa simbahan ug moagi og health protocol ang mosimba.

4. Abli na ang merkado publiko ug mga bus terminal apan moagi gihapon og health protocol (naka-face mask, physical distancing, foot bath, alcohol ug body temperature check).

5. Sa mga haya, kinahanglan dili mosobra og lima ka adlaw ug kinahanglan dili usab musobra sa 25 ka tawo ang muadto. Kinahanglan gihapon ang health protocol.

6. Sa kasal, di gihapon mosobra sa 25 ang bisita.

7. Magpabilin gihapon ang couple's pass.

8. Abli na ang mga restaurant apan kinahanglan 50 porsiyento lang ang sulod sa mga kan-anan ug kinahanglan mokuha pa og accreditation ang mga kan-anan.

9. Magpabilin ang curfew gikan alas 9 sa gabii hangtod alas 5 sa buntag.

10. Sa mga mosulod sa matag lungsod sa North Cotabato, dili na kinahanglan magpakita og quarantine pass ug magdala lang sa valid ID.

Pagpatuman sa mga sumbanan sa MGCQ sa North Cotabato kabahin sa Executive Order 28 ni Governor Nancy Catamco.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph