Armadong pamilya naggiyera; gatusan ka residente namakwit

DAVAO. Mapa sa Midsayap, North Cotabato. (Google Maps)
DAVAO. Mapa sa Midsayap, North Cotabato. (Google Maps)

MIDSAYAP, North Cotabato -- Nanghikling ang daghanang sibilyan alas 2 sa hapon niadtong adlaw nga Dominggo, Hunyo 1, 2020, sa probinsya sa Cotabato.

Matud ni Midsayap Chief of Police, Lieutenant Colonel John Miridel Calinga nga namakwit ang mga molupyo sa Barangay Malingao, Midsayap Cotabato gumikan sa presensya sa mga armadong grupo.

Ang duha ka pundok mga sakop sa mga inilang Moro Fronts nga pulos mga armado sa mga tag-as nga matang sa armas.

Dunay personal nga dumot ang duha ka armadong pamilya gumikan sa panag-ilog sa yuta nga ilang giukmad.

Tungod sa kahadlok, nanghikling ang mga sibilyan paingon sa mga luwas nga dapit sa Midsayap.

Nahiabot sab dayon ang puwersa sa 34th Infantry Battalion Philippine Army ug kapulisan nga maoy nagbantay sa seguridad sa mga bakwit.

Nanghatag sab dayon og hinabang si Cotabato 1st District Board Member Rolly Sacdalan nga gilangkuban sa noodles, tubig, arozcaldo ug mga karton nga ikahapin sa ilang tulugan sa mga tulunghaan.

Miabot sab dayon ang mga empleyado sa Midsayap Municipal Social Welfare and Development Office nga gipangulohan ni Karl Ballentes nga maoy misusi sa sitwasyon sa mga bakwit.

Kahinumdoman nga dunay mga molupyo sa Barangay Malingao ang nabiktima sa sunod-sunod nga pagpamusil gumikan sa rido o dumot sa pamilya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph