SUPERBALITA DAVAO

OFWs na-stranded sa airport, tabangan

DAVAO. Dungag 15 ka adlaw pa ang general community quarantine (GCQ) sa Davao City human kini gi-renew sa Inter-Agency Task Force (IATF) hangtod Hunyo 15, 2020. Sukad napa-ubos sa GCQ ang Davao City, 132 ka kaso sa Covid-19 ang natala, apan ang dagkong numero tungod sa mas paspas nga testing. Sa unang adlaw sa GCQ, kagahapon, kini ang sitwasyon sa sidewalk sa San Pedro Street, Davao City. (Macky Lim)

GIHINGUSGAN karon ni Senator Risa Hontiveros nga matubag sa Overseas Workers Welfare Administration (Owwa) sa hinanaling panahon ang pag-atiman ug hatagan sa ilang panginahanglan sa matag adlaw ang mga overseas Filipino workers (OFWs) nga anaa karon sa Metro Manila nga naghulat sa biyahe nga makauli sa ilang tagsa-tagsa ka mga probinsya.

Nasayran nga dunay daghang mga OFW nga nakulgot sa Ninoy Aquino International Airport (NAIA) nga giingong wala nahatagan sa ilang mga inadlaw nga panginahanglan sama sa tubig, pagkaon ug ubang mga basic services.

"Our overseas Filipino workers, as modern-day heroes, deserve to be treated better. Huwag naman sana hayaan ng pamahalaan na pagkatapos ng kalbaryo sa mandatory quarantine, ay maharap pa sa gutom, pagod at buong araw na pila ang mga OFW para lang makauwi sila sa kanilang mga pamilya," butyag sa senadora.

Human sa pipila ka bulan nga lockdown, ang flag carrier nga Philippine Airlines (PAL) nagpahibalo na sa ilang mga schedule sa flights diin gisundan kini sa AirAsia ug Cebu Pacific, nga mobiyahe Miyerkules, Hunyo 3, samtang ang PAL nagsugod na sa ilang operasyon, Lunes, Hunyo 1.

Makauli na ang mga nakulgot nga mga OFW apan gikasagmuyo sa senadora nga sa wala pa ang biyahe, daw wala naatiman ang mga nahisgutan, butang nga nanawagan siya sa Owwa nga atimanon ang mga OFW nga moabotay pa sa NAIA.

"Naiintindihan natin na medyo limitado ang mga flights ngayon kaya may congestion, pero siguro naman ay kaya ng Owwa na mag-organisa ng pagbigay ng sapat na pagkain at tubig para sa mga OFW habang sila ay naghihintay sa paliparan," ingon ni Hontiveros.

Ang mga inahan nga dunay dalang anak, mga PWD ug mga tiguwang maoy hatagan og prayoridad sa airport.

"If government fails to act, this problem at the airports will only worsen given that 42,000 more OFWs are set to return to the country in the months ahead. We should implement comprehensive solutions that will allow our OFWs to safely return to their loved ones at the soonest time possible," sigon ni Hontiveros.

Dugang niya nga ang sakto nga koordinasyon sa gobyerno maoy makapahupay sa kaguol ug kakapoy nga gibati sa mga OFW nga miuli sa Pilipinas gumikan sa Covid-19 pandemic.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph