Mayor: Mo-hire og tracing ug surveillance team

DAVAO. Istrikto sa pagpatuman sa insaktong oras sa pagpamalengke ang mga pulis ug sundalo sa Bankerohan Public Market sa Davao City nga kutob lang alas 5 sa hapon gikan Lunes hangtod Sabado bisan pa anaa na sa alas 9 sa gabii ang curfew ning siyudad. (Macky Lim)
DAVAO. Istrikto sa pagpatuman sa insaktong oras sa pagpamalengke ang mga pulis ug sundalo sa Bankerohan Public Market sa Davao City nga kutob lang alas 5 sa hapon gikan Lunes hangtod Sabado bisan pa anaa na sa alas 9 sa gabii ang curfew ning siyudad. (Macky Lim)

KULANG ang mga personahe nga maoy mo-trace ug mo-surveillance sa mga gisuspetsahang dunay simtomas sa coronavirus disease (Covid-19) sa Davao City.

Kini ang gibutyag ni Davao City Mayor Sara Duterte-Carpio atol sa regular nga programa niini sa 87.5 FM Davao City Disaster Radio (dcDR) Lunes, Hunyo 1, 2020, diin suma sa mayor kinahanglan mag-hire og dugang personahe.

"Kinahanglan magdungag og tawo sa tracing and surveillance. If there is a need to hire, mag-hire kita. Sa pagkakaron, augmented ta by Davao City Police Office. Nag-assign gyud sila para sa mga contact tracing teams," sulti sa mayor.

Ang tracing ug surveillance personnel sila kadtong mag-monitor sa mga gisuspetsahang naka-contact sa kompirmadong nagka-Covid ug mamahimo sila nga maoy mopahiluna sa proseso sa pagdala sa pasyente ngadto sa ospital nga naa sab ang na-assign nga health personnel.

Gisumpay sab niini nga daghang mga health worker ang nagka-Covid hinungdan nga migamay sila gumikan gikinahanglan dayon nga ma-quarantine sila kung makitaan og simtomas.

"Daghan sa atong health workers ang naigo sa Covid-19. Isa ka team sila nag-positive sa Covid-19. Luoy kaayo atong health workers. Daghan sa ilaha ang naka-quarantine. Usahay mahutdanay kita og health care workers. Kung dunay mag-positive i-quarantine tanan," ingon sa mayor.

Sukad Lunes, gianunsyo sa mayor nga naay 306 ka total confirmed cases, 148 active cases, 129 recovered ug 29 deaths sa Davao City.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph