SUPERBALITA CAGAYAN DE ORO

Todino: Lapad nga protesta tungod lang sa polis

Pro Bono

TUNGOD lang sa kainit sa ulo sa usa ka polis, namugna kining kaguliyang sa halos dagkong nasod sa kalibutan.

Nagsugod kini sa Minneapolis sa Estados Unidos human gipatay kining --American nga si George Floyd sa usa ka polis pinaagi sa pagpiit sa liog.

Giludhan sa polis ang liog ni Flyod samtang kini nakaboy-od. Nagpakilouy si Flyod kay naglisod na siya og ginhawa apan wala siya lung-i sa polis.

Karong mga panahona, nagbaniog ang mga balita kabahin sa riot ug demonstration sa pipila ka mga estados sa America ug nanakod kini sa ubang nasod sama sa Italy, England, Germany, ug uban pa.

Gani, daghang mensahi pagbatikos sa kamatayon ni Floyd gikan sa ubang nasod ang mikuyanap sa internet.

Kon subayon nimo ang mga balita ug video clips nga gipang-post sa Facebook ug uban pang social media, makita nato unsa ka bayolenti ang mga tawo.

Daghang mga establisemento ang gipangsunog, mga sakyanan sa kapolisan gipangtuwad ug gisunog. Gilungkab ang mga tindahan ug gipangkuha ang mga mahalon nga baligya ug butang.

Dili kini unang nahitabo nga dunay African-American nga tawo nga gipatay sa puti kon Americano.

Dili sab kini maoy unang higayon nga dunay lapad nga protesta ug demonstrasyon ang namugna gumikan sa maong hitabo.

Tungod ba kaha sa modernong komunikasiyon nato karon maoy hinungan nga nagkalapad ug nagkadaghan kining kaguliyang.

Basi sa pakisisu, human nakuhaan og video kon giunsa pagpatay sa polis si Flyod, misilaob dayon ang kasuko sa mga tawo nga nakakita sa maong video.

Ug tungod usab niini, nikuyanap dayon ang mensahi sa Facebook nga nag-aghat pagpundok ug patigum sa mga tawo aron mohimo og protesta.

Wala pay matumbok nga tawo nga nangulo sa maong protesta apan ang labing tataw karon mao nga naikag paggawas ang mga tawo sa karsada human nila mabasa ang mga mensahi sa Facebook, Twitter, Instagram ug sa ubang social media.

Karong panahon, lisod nimo itago ang panghitabo. Busa angay gyud magmatngon labi na kadtong naa sa gobiyerno kay dali ra kaayo mokuyanap ang balita kon duna kay himoon nga kabuang ug kadaotan.

Unta mahimo usab kining leksiyon dinhi sa atua. Dili nato ipasuwabi ang kainit sa ulo. Tan-awa unsay nahitabo karon sa America, gumikan lang sa usa ka agresibo nga polis, nagkagubot na ang ubang bahin sa nasod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph