BALHOG sa prisuhan ang usa ka amahan human giingong milugos sa iyang kaugalingon nga anak diha sa Barangay Lumbia sa siyudad sa Cagayan de Oro.
Ang dinakpan itago lamang sa ngalan nga Ronnie, 43 anyos, residente sa susamang dapit.
Sa inisyal nga imbestigasyon sa Police Station 8 (PS8) sa Lumbia sa pagpangunta ni Police Captain Valentine U. Baja, nasuta nga ang biktima karon nag edad og 9 anyos.
Apan sugod pa sa Grade 2, kining biktima gasugdan na sa pagpanglugos sa kaugalingon nga amahan sa managlahing okasyon.
Ang suspetsado ang nadakpan human ang anak wala na kaagwanta ug mireport na gyod sa kapulisan sa binuhatan sa kaugalingon nga amahan kaniya.
Kasong pagpanglugos gitakdang atubangan sa suspetsado karon panahona.