Tambagi ko Noy Kulas: Chat ra gyud

DEAR Noy Kulas,

Maayong adlaw ninyo. Naa lang koy problema karon parte sa akong bana. Natanggong man gud siya sa Leyte ug wan a makapauli diri sa amoa sa Cebu sukad ang ECQ. Maayo ra man ang among communication thru text pero di man siya magpatawag kay di kuno maayo ang signal.

Ang iyang usa ka kauban nisulti nako nga naa nay uyab ang akong bana ug toa siya nagpuyo sa balay sa babaye. Ang babaye nakahibawo nga minyo ang akong bana ug nakahibawo nga naa mi mga anak, pero nisugot ra ang babaye ug pamilya nga adto puyo ang akong bana panahon sa ECQ.

Ako siyang gi-confront sa text pero pwerte niyang deny. Di kuno tinuod. Naa siya nagpuyo sa usa niya kuno ka amigo, pero kon akong tawgan di siya motubag. Unsa kahay akong buhaton, Noy? Mahimo na bang makalarga ang mga barko paingon sa Leyte ug makauli na ba? Daghang salamat.

PRECY

Precy,

Bisan tuod kon ang estorya barato ra or kanang dali ra himuon ba, but wa ko mag-ingon nga di tinuod. Kay kining gibuhat sa imong bana makaduda pud baya kay di siya magpatawag bisan sa kadugay na ninyong wa magkita ug magkaestoryahanay. Ang uban gani maghigwaos nga di na ikaestorya ang kapikas, unya siya kontento na lang sa text?

Aron gyud matubag nga klaro ang imong pangutana ug pagduda, larga ngadto kon duna nay barko nga makalawig sa Leyte. Hikaya lang ang mga dokumento nga imong gikinahanglan sa paglabang aron di ka maproblema. Ayaw lang sab pagpahalata nga nagduda ka niya aron di siya magmatngon. Kuhaa ang address nga iyang gipuy-an ug pangayog picture nga hilom sa iyang higala nga nisulti nimo aron duna kay guide.

Seguraduha lang sab nga kon nagpadayon siya sa trabaho, naa ang iyang suporta ninyong isip iyang obligasyon. Mao na ang una nimong hatagan og importansya karong panahuna samtang naa pa kita sa quarantine. Nindot man tuod tingali awayon ang imong bana kay maoy imong na-feel, pugngi lang una na aron mag lower iyang guard.

Timbanga usab ang imong mga lakang, ayaw pagdali-dali, labina kon dependent ka sa imong bana.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph