Pinoy boxer lakip sa moaway sa Las Vegas karong buwana

ADUNAY usa ka Pinoy nga mopakita og aksyon sa pag-abli og balik sa boxing promotions sa Las Vegas, USA karong buwana.

Gitumbok mao si “Magic” Mike Plania, kinsa makig-away kang World Boxing Organization (WBO) No.1 ranked American Joshua Greer Jr. sa closed door promotion sa Top Rank ni Bob Arum nga ipahigayon sa MGM Grand Garden Arena.

Ang away nahilakip sa mga parisan sa ikatulong promosyon nga buhian sa Top Rank gikan sa pagkahunong sa kalibutan sa boksing tungod sa coronavirus disease 2019 (Covid-19). Ipahigayon kini karong Hunyo 16.

Si Plania,23, kinsa lumad nga taga General Santos City, adunay 23-1, 12KOs nga rekord samtang si Greer, 25, naghupot 22-1-1, 12KOs. Sa interbyu sa www.philboxing.com, nagkanayon si Plania nga suwerte siya nga nahatagan dayon og tahas sa pagbalik sa boksing.

Siya maong labing unang Pinoy nga boksidor nga moaway sukad sa pag lockdown tungod sa Covid-19. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph