MINNESOTA, USA - SAGUBANGON sa beteranong si Bert Batawang (45-14-3, 37KOs) ang usa ka importanteng tahas karong adlawa alang sa iyang pangandoy nga makapanuktok og balik alang sa world title.
Si Batawang makig-away pagbalik kang kanhi world champion Mexican Ulises Solis (29-2-2, 20KOs) alang sa International Boxing Federation (IBF) junior flyweight eliminator sa Plaza Pueblo Antiguo sa Mexico.
Ang modaog ning awaya mao ang makakuha sa katungod sa pag-challenge kang IBF junior flyweight king Colombian Carlos Tamara.
Sa premiro nilang panagharong niadtong 2007, gipakamang ni Solis si Batawang sa 9th round aron depensaan ang kanhi niya IBF junior flyweight title.
Sa miaging tuig, si Solis nailugan og bakus ni Fil-Am Brian Viloria. Unya niadto lang Enero, si Viloria nailugan sab og bakus ni Tamara.