GITATAW ni pound-for-pound champion Manny Pacquiao nga siya gyud mismo ang modesisyon kon kanus-a siya moretiro.

Mao kini ang nagsilbing reaksyon ni Pacquiao sa mga estorya sa pipila ka mga tawo nga angayan na siyang moretiro.

Matod ni Pacquiao nga dili sila si American trainer Freddie Roach, Top Rank boss Bob Arum o kaha ang iyang inahan nga si Mommy Dionesia ang modesisyon kabahin niini.

Click here for Election 2010 updates

Si Roach nipabuhagay nang daan nga sa iyang pagtuo, molanat pa’g tulo ka mga tuig una moretiro ang Pambansang Kamao samtang si Arum nagtinguha pang mapahigayon ang away nila ni Pacquiao ug Floyd Mayweather Jr.

Mismong si Pacquiao ang miangkon nga iyaha na sab gikonsiderar ang pagretiro hilabi na kay gihangyo gyud siya’g maayo ni Mommy Dionesia.

Apan ning puntoha, giklaro ni Pacquiao nga wala pa siya’y klarong desisyon.

“Ako rin ang mag-dedecide (kung kailan ako magre-retire),” matod ni Pacquiao sa usa ka interbyu nga nigawas sa www.philboxing.com.

Si Pacquiao, kinsa nagsugod na sa boksing sa edad nga 12, naneguro nga dili niya tugtan nga moretiro siyang aduna na unya’y gipamati sa lawas sama sa ubang mga boksidor.

“Hihintayin pa ba natin na mayroon akong maramdaman at saka mag-desisyon na magretiro?” pangutana ni Pacquiao.