DEAR Papa Joe,
Tagua lang ko og Mrs. Concern nga taga Cebu City, dunay mga anak ug usa ka housewife.
Karon grabe kaayo mi ka concern sa among sitio. Unya sa kalit lang, naay mga istorya nga naay positive sa amoa pero wa lang daw gi-declare. Mao nay nakapakurat nako nganong naay mga tawo nga motago ug makatakod na hinuon sa mga tawo. Pero mao lagi, secret ra ang identity ani.
Unsaon pag wa sa virus ani kon mao ni batasan aning ubang mga tawo. Unsay buhaton ko? Tambagi ko.
MISS CONCERN
Miss Concern,
Salamat sa imong tampo. Tinuod, di lalim sa mga tawo nga careful kaayo rong panahuna. Pero, mao lagi, imo lang mahibaw-an gikan nimo sa lain nga naay positive, pero di pa na siya sad sigurado kay kaning tsismis grabe pa sa virus.
Gitrangkaso lang siguro o hubakon, Covid na dayon? Ang uban di lang sad magpa hospital basin sa hunahuna na, adto na matakdan. Ug usa pa, grabe ang diskriminasyon sa mga tawo sa tawo nga positive. Napagan pa ang mga kaliwat.
Mga sayop nga impormasyon na, makapahadlok sa mga tawo nga mawad-an na hinuon og pagsabot sa sitwasyon. Bisan na man ikaw kon maka-feel ka nga lain imong lawas, labi na gipanuhot ka ug giubo. Makaubo kaha ka atubangan sa imong mga silingan dungan sa pag-ingon panuhot ra ni? Lisud gyud, Anyway, naay mga pamaagi ang gobyerno.
PAPA JOE
(sa inyong tampo ipadala sa papajoesuperb@gmail.com)