GIPAHIMANGNUAN ni British professional boxer Dillian Whyte si World Boxing Council (WBC) president Mauricio Sulaiman nga delikadong mamatay si kanhi heavyweight champion Mike Tyson kon iparang kini sa kasamtangang heavyweight king Tyson Fury.
Nagsilbe kining reaksyon ni Whyte sa gipadayag ni Sulaiman nga suportahan niya ang 53 anyos nga si Tyson kon mobalik kini’g away pinaagi sa paghatag dayon niini og taas nga rating.
“It’s silly. If they cannot sanction a fight with me for three years, why the hell are they going to sanction a fight with a 53-year-old man and a 31-year-old man?” matod ni Whyte sa boxingscene.
“What if he comes back and dies in the ring? What is going to happen then?”
Dili pa lang dugay, si Tyson nipadayag sa iyang intensyon nga moaway og balik apan sa usa ka exhibition bout aron makakuha’g pundo nga iyang itabang sa nanginahanglan. (ESL)