NIINGON si Cebu City Mayor Tommy Osmeña nga hayan nga himuon lang nga bakang gatasan (milking cows) sa mga lokal nga kandidato nga nagpaluyo kanila sila si Senador Manny Villar, kandidato sa pagkapresidente sa Nacionalista Party ug si kanhi Defense Secretary Gibo Teodoro, kandidato sa pagkapresidente sa Lakas-Kampi-CMD.

Matod pa niya, ang mga lokal nga kandidato dawat wag tuo para sa ilang kaugalingong kandidatora.

Click here for Election 2010 updates

Kay ngano man diay si Senador Noynoy Aquino sa Liberal Party nga gipaluyohan ni Mayor Osmeña, way gatas nga mapuga?

***

Matod ni Mayor Osmena, ang mga Cebuano, di ang makinarya sa politika ug sapi, maoy mohukom kinsa ang mosunod nga Presidente sa Pilipinas.

Niingon man gud si Kongresista Eduardo Gullas (Cebu, 1st district) nga ang Sugbo maoy makapahimo ni Senador Villar nga sunod nga presidente, sama ni Presidente Arroyo nga nakakuhag mayoriya nga kapin sa usa ka milyon nga botos dinhi sa Sugbo niadtong piniliay sa 2004.

“Unfortunately, they don’t make that decision. It’s the Cebuanos who make that decision. Just because they have money, it doesn’t mean they will win,” matod pas halangdong mayor.

Mangita tag kandidato sa usa ka national position nga niadaog bisag way kwarta.

***

Makalingaw kining politika.

Ang mga kandidato modawat og kwarta gikan sa mga dato ug adunahan nga maoy gamiton sa pangampanya aron makuha ang boto sa mga kabos nga gustong mahaw-as sa kalisod.

Labi na karon nga maoy ilang gigamit ang media sa pangampanya, nigasto ang mga kandidato sa pagkapresidente og binilyon ka pesos sa advertising sa telebisyon lang.

Gani, sila si Senador Villar ug Senador Aquino gikatahong nisobra na sa ilang maximum air time nga 120 minutos sa usa ka TV network.

Kuyaw nga kon di na dawaton ang ilang TV ads, makalimtan silas mga botante sa dayon na ang eleksyon.

***

Nipasalig si Cebu Gov. Gwen Garcia kang Gibo Teodoro nga pabiling nagpaluyo kaniya ang iyang partido nga One Cebu.

Mao kana ang iyang giingon nga palabra de honor. Kay naka-commit na, tumanon gyud.

Pero ding kalikayan nga dunay mga sakop sa One Cebu nga mobali ngadto ni Senador Villar.

Sa panultion pa, In politics, there are no permanent friends and permanent enemies. There are only permanent interests.

***

Daghan ang natoo nga ang kapin sa 2.2 milyunes ka mga botante sa Sugbo maoy mohukom kinsa ang mosunod nga Presidente sa Pilipinas.

Apan lahi karon sa piniliay sa 2004 diin ang tanang mga dagkong mga kandidato sa lokal nga puwesto nagpaluyo ni Presidente Arroyo.

Karon nahug og sinug-ang tali kang Senador Villar, Senador Aquino ug Gibo Teodoro.