SUPERBALITA CEBU

Mayweather mogasto sa lubong ni George Floyd

MITANYAG si Floyd Mayweather Jr. nga siya maoy mogasto paglubong kang George Floyd ug gidawat kini sa pamilya sa kontrobersyal nga black American nga giingong biktima sa racism.

Nagkanayon si Leonard Ellerbe, Mayweather Promotions CEO, nga nakigsabot na si Mayweather sa pamilya ni Floyd.

Ang lubong ni Floyd gikatakda karong Hunyo 9 sa iyang yutang natawhan sa Houston.

Si Floyd nipanaw niadtong Mayo 25 sa Minneapolis, Minnesota human giludhan sa usa ka pulis ang tangkugo niini.

Madungog sa usa ka video nga nagpakiluoy si Floyd nga naglisod siya pagginhawa niadtong mga gutloa.

Ang kamatayon ni Floyd nakadugkat og bayolenteng mga protesta sa kadalanan sa nagkalainlaing mga siyudad sa Amerika. "He'll probably get mad at me for saying that, but yes, he is definitely paying for the funeral," batbat ni Ellerbe sa interbyu sa ESPN.com.

Si Mayweather, kinsa nagpuyo sa Las Vegas, wala pa nakahimamat sa pamilya ni Floyd. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph