ALANG ni basketball legend Rudy Distrito, angayan nang ilibkas sa Philippine Basketball Association (PBA) ang indefinite suspension nga gipahamtang sa liga ngadto kang Calvin Abueva.
“Dapat pabayaan na nilang maglaro ulit si Calvin. Nakikita naman sa sentimyento ng fans sa social media, lahat sila gusto na makita ulit maglaro yung tao,” matod ni Distrito sa interbyu sa online sports program Go for Gold InterActive sa Facebook.
Gipasabot ni Distrito nga dili dautan nga tawo si Abueva ug dili kini angayan paantuson og maayo.
“Di s’ya masamang tao. Kung tutuusin, wala namang ginawa si Calvin na hindi ginagawa ng ibang players sa PBA,” dugang ni Distrito, kinsa naila nga The Enforcer sa PBA.
“Yung ginawa n’ya sa import kaya siya na-ban, hindi ba ginagawa ng ibang player yun? Minsan part ng basketball yung ganun.”
Si Distrito, 62, kinsa lumad nga taga Bacolod City, nabantog kaniadto nga usa ka ‘bad boy’ sulod sa rectangle nga korte.
Napahamtangan si Distrito og lifetime ban dihang iyang gibanggaan ang nag-layup nga si Jeffrey Cariaso niadtong 1995.
Sa gibuhat ni Distrito, wala’y balanse nga nitugpa si Cariaso hinungdan sa grabeng pagkaangol niini.
Gipasabot ni Distrito nga wala ra sa kumigking ang gibuhat ni Abueva kumpara sa iyang binuhatan kaniadto.
“Si Calvin, mabait na bata ‘yan. Nakikita nyo naman, makulit lang talaga siya maglaro, style nya yun e. Sabi ko nga sa inyo, iba yung makulit lang at mapang-asar sa masamang tao,” pasabot ni Distrito.
Matod ni Distrito nga ang silot nga gipahamtang ngadto kang Abueva alang lang sa dautan nga tawo. Nanghinaot si Distrito nga hunahunaon unta sa PBA ang pamilya ni Abueva ug tugtan nang makabalik og duwa ang gitawag og The Beast. (ESL)