MANILA–NABALIGYA na ang balay ni Angelu de Leon nga nahimutang atbang lang sa ABS-CBN, sa Mother Ignacia Street.
Napalit sa mommy ni Angelu ang balay niadtong 1986 ug matod pa ni Angelito Estrada, road manager ni Angelu, barato lang ang pagkapalit.
Sa maong balay nagdalaga si Angelu. Kadtong panahon sa Ang TV, daghang kaubanan ni Angelu ang inggit na inggit sa kanya tungod kay molabang lang siya sa karsada, balay na niya.
Daghang good memories si Angelu sa maong balay. Siyempre, nakabisita sad tingali didto ang na-link ni Angelu niadto nga si Bobby Andrews nga kauban niya sa TGIS.
For sure, nakataak sad sa maong balay ang aktor nga si Joko Diaz diin may anak sila ni Angelu--si Nicole nga college na karon. And then si Jojo Manlungat, diin nagbunga sad ang ilang pagminahalay ni Angelu, si Loise nga dalaga na sad.
Sa nahisgutang balay sad gipangulitawhan ni Wowie Rivera si Angelu. Hangtod sa nagpakasal sila ni Wowie ug aduna na silay anak nga si Rafa.
Gibaligya nila ang maong balay tungod kay nag-invest sila og mga condo unit.
Yun na nga, if ever nga mapadaan si Angelu sa kanhi puwesto sa ilang balay (nga karon mga restaurants) di kapugngan ni Angelu nga makatulo ang iyang luha tungod kay ang maong balay naging amang nga saksi sa iyang pagkadalaga, sa iyang lovelife, sa iyang career ug sa iyang kalambuan ug kapakyasan sa kinabuhi.
Sa laing bahin, karong pandemic, naging close uli ang mga dating TGIS stars like Bobby Andrews, Michael Flores, Red Sternberg, Ciara Sotto, Bernadette Allison ug Angelu kay kanunay silang naga-Zoom ug magkinantahay.
Aduna untay himuong pelikula si Angelu pero naatlan lagi sa pandemic, under Viva Films nga ang title, Pakboys “Condo” diin makauban niya sila si Janno Gibbs, Andrew E, Anna Roces, Dennis Padilla, Maui Taylor, Jerrald Napoles sa direksiyon ni Al Tantay. Karong medyo back to normal na, basin masugdan na ang shooting.
Malipayon karon si Angelu sa kiliran ni Wowie ug sa iyang mga anak. Okey lang sad kang Angelu nga dili sunod-sunod ang iyang trabaho sa showbiz para maatiman niya og tarong ang iyang pamilya.