BASI sa nakuha nako nga mga kasayuran apil na niini sa social media ang mga komento nga daghang saludo ni Gobernador Gwen Garcia.
Kini may labot sa pagda sa isyu sa Covid-19 nga nakaapektar sa panginabuhi sa katawhan ug ilabi na sa mga nahimong positibo sa virus.
Gikan sa gipatuman sa probinsiya sa Sugbo nga enhanched community quarantine (ECQ) ug karon, ang general community quarantine (GCQ).
Dunay apelasyon si Garcia sa Inter Agency Tack Force (IATF) nga ibutang ang Sugbo sa modified general community quarantine (MGCQ) karong Hunyo 12, Independence Day.
Sa akong pagsabot nga gawasnon na ang Sugbo, batok sa Covid-19. Inig abot sa maong adlaw, sama sa pagsaulog sa kagawasan sa Pilipinas sa pagkaulipon sa langyaw nga nasud.
Kini sab unta ang himuon ni Mayor Edgardo Labella sa siyudad sa Sugbo sa pagpahaom aron mokuyog sa gihimo ni Garcia. Sugyot kini sa katawhan.
Moapelar sab si Labella ngadto sa IATF nga ibutang ang siyudad sa Sugbo sa MGCQ kay mao man ang ulohang dakbayan sa lalawigan aron mas sayon ang paglahuslahos sa taga probinssya sa pagsud sa siyudad .
Daghan ang kaso sa Covid-19 sa siyudad sa Sugbo, numero uno sa Pilipinas.
Maayo pagkaatiman sa gobernador ang mga pasyente sa Covid-19 nga gibutang sa isolation center kay naayo ang positibo sa virus.
Ngilngiga, vitamin C ka duha sa usa ka adlaw, turmeric, kalamansi juice ug tuob ang gihimo ngadto sa mga pasyente ug duna gayuy nag-atiman.
Sa siyudad sa Sugbo, mibarug na ang quarantine facility sa North Reclemation Area nga gigastuhan og P100 milyon.
Anaa sab ang Big Foot Center nga gihimong quarantine facility.
Karon nga GCQ na ang siyudad sa Sugbo, Lapu-Lapu ug probinsiya sa Sugbo, gikinahanglan nga mosunod ang katawhan sa mga lagda.
Ilabi na nga abli ang tanang mga business establishment, ayaw kalimti ang pagamit sa face mask ug social distancing. efrenlonzon71@gmail.com / Text: 09235562777