ANG International magazine nga Forbes mitumbok sa Pilipinas nga usa sa pito ka mga nasod nga dunay taas nga kahigayonan nga mamahimong “major tourist destination in a post-Covid world.”
Matod pa sa artikulo nga sinuwat ni Jared Ranahan, travel contributor sa Forbes, ang Philippines makapasigarbo sa 7,500 ka mga isla nga kapili-an nga travel destination.
“This massive archipelago has something to offer for even the most finicky of tourists,” natala sa maong artikulo.
Si Ranahan nihulagway sa nasod isip usa sa mga “highly-underrated nations” diin ang mga turista makasinati sa ma-anindot nga kulturanhong kasinatian ug mga talan-awon.
“Those planning to lounge on the sandy shores should head to Visayas, the country’s central archipelago, where island destinations like Palawan and Boracay offer some of the nation’s finest white sand beaches, as well as countless opportunities to spot some of the endemic plant and animal species of the Philippines,” dugang niini.
Laing unom ka mga nasod naglakip sa Iran, Tunisia, Slovenia, Ethiopia, Georgia ug Myanmar.
Samtang, si Brian Connelly, general manager sa Marco Polo Plaza, nagkanayon nga ang mga hotel ug resorts malaumon nga ang local tourist hinayhinay ug mabuhi sa industriyang apektado kaayo sa coronavirus disease (Covid-19).
Namahayag niini si Connelly human molugak ngadto sa general community quarantine (GCQ) ang Sugbo diin mas daghang mga negusyo ang makabukas.
“We’ll start to see green sprouts when our hotels and restaurants start to re-open,” dason ni Conelly sa SunStar Cebu.
Matod ni Connelly nga ang Mactan Island, diin naa ang daghang hotels ug resorts nagpabiling nagpanikad sa pagbukas.
“Without a doubt, we are keen to offer within the Cebu market. We worked with Governor Gwendolyn Garcia to entice municipality employees and Cebuanos to come, get out of house and enjoy life,” dugang ni Connelly.
Matod niya, nagmugna sila karon og madanihon nga deals aron pagdani sa merkado kon tugtan na sila nga makapasud og mas daghang mga konsumidor.
“Expect some very good rates, take advantage of it and explore the island and see how beautiful Cebu is,” matod niya. (JOB)