ANG area sa Macanhan ang usa sa gipokosan karon sa city Health Office nga mabantayan.
Kini human ang ika 14 nga kumpirmadong kaso sa Corona Virus Disease (Covid-19) mao ang silingan niadtong 62 anyos nga babae nga namatay niadtong Mayo 16.
Pasabot ni Dr. Laurren Nery ang City Health Officer nga May 21 pa gipokosan og contained ang area sa Macanhan kon diin walay gitugotan nga makasulod ug gawas niini kadto lamang ang mga residente.
Dugang niini nga kadtong namatay nga 62 anyos kinsa iyang bana ug anak ang nagpositibo sab sa Covid ang hugot nga gimonitor ang ilang mga close contact hangtod karon panahona.
Atol sa daily press briefing adlawng Martes, June 20, 2020 gipahibalo ni Dr. Nery nga aduna silay 6 ka individual nga na close contact sa nagpositibo lakip na niini kadtong mga responders ug maoy nadugang nga gipaubos sa 14 day quarantine samtang adunay pito ka mga silingan.
Samtang ang ika 14 nga kumpirmadong kaso nga mao ang 59 anyos nga silingan aduna nay 4 ka sakop sa pamilya niini nga gibutang na gihapon karon sa City Isolation Unit kon diin gikuhaan na og swab test, nigawas nga pulos negatibo ang resulta.
Samtang gilakip sab sa kwarantinas ang mga nagpahigayon og swabbing kanila nga 6 ka mga health workers nga gipaubos gihapon sa 14 day quarantine.
Gibutyag ni Nery nga dili sila mohunong sa pagpahigayon og contact trace sa maong area.
"Atong gipastrikto didtong dapita atong medical triad team gi enhanced and we will be having again another round of active ARI and IRI surveillance sa area, so dili ta mohunong ug balik-balikan gyod na diha sa health worker nga under sa atong focused containment to do another round of Active ARI and IRI surveillance para mapokos gyod nato kung naa bay nagpakita og sintomas ang area." matud ni Nery.
Ang 59 anyos sa pagkakaron anaa nagpabilin sa CIU kon diin adunay on and off nga dry cough apan gitambalan na karon panhona.