SUGOD karong Dominggo, Hunyo 7, 2020, mahimo na nga makasimba ang mga Sugboanon sa Lalawigan sa Sugbo.
Kini maoy nalatid sa Executive Order (EO) 17-F nga giluwatan ni Gobernador Gwendolyn Garcia sa Hulyo 2, 2020.
Kini human nga mipahibawo si Cebu Archbishop Jose Palma nga andam na ang mga simbahan sa pagpahigayon og mga misa pinasubay sa health protocol ubos sa general community community quarantine (GCQ).
Ang Lalawigan sa Sugbo, uban ang pipila ka mga dapit sa nasod, gipaubos sa GCQ sugod niadtong Mayo 16, 2020.
"We are strongly encouraging the holding of religious gathering. As much as we need our physical and mental health, we also need our spiritual health," matod ni Garcia.
Ubos sa kamandoan, kinahanglan nga 50 porsyento lang nga capacity sa simbahan ang mahimong makatambong sa misa.
Kinahanglan usab nga mosubay gihapon sa health protocol sama sa pagmintinar og social distancing, pag-disinfect sa kaugalingon, pagsul-ob og face mask ug uban pa.
Duna nay mga simbahan nga nagbukas nga hugot nga nagpatuman sa social distancing, gisusi ang mga temperatura sa mga manimbahay ug dunay disinfectant sa dayong pagsulod.
Sukad nga gipaubos sa community quarantine ang lalawigan, wala na gitugot ang mass gatherings, nga naglakip sa misa, piyesta ug uban pang selebrasyon diin magtapok ang mga tawo taliwa sa hulga sa coronavirus disease (Covid-19).
Duna nay mga simbahan nga nagbukas nga hugot nga nagpatuman sa social distancing, gisusi ang mga temperature sa mga manimbahay /ANV