SUPERBALITA CEBU

Pulis, riding-in-tandem nagpinusilay; 1 patay

USA patay samtang usa ang nadakpan sa pinusilay tali sa pulis ug duha ka mga tawo nga riding-in- tandem sa Sityo Larima, Barangay Mambaling, Dakbayan sa Sugbo niadtong gabii sa Martes, Hunyo 2.

Si PMaj. Keith Allen Andaya, pangulo sa Mobile Patrol Unit (MPU) sa Cebu City Police Office (CCPO), niila sa namatay nga alyas “Bata.” Si Bata gikan nagpatubil dihang nakakita sa nagbantay nga mga pulis ug nibalik sa ilang agi.

Wala kini maminaw dihang gitawag sa pulis ug nidiretso lang sa ilang padagan rason nga gigukod ang duha hangtod nga misulod ang duha nga nagmotorsiklo sa Sityo Larima sa Mambaling.

Dihang na-corner na sa mga pulis, ang duha nipusil sa usa sa mga pulis hinungdan nga nabawsan.

Patay ang maong lalake diin didto nahibaloan nga si Bata, ang drayber sa gisakyang motorsiklo. Ang angkas naila lamang nga si Miñoza.

Ang Scene of Crime Operatives (Soco) sa Metro Cebu nakakuha og armas nga .38 revolver. Adunay kabhang sa armas nga gituohang gikan sa pulis atol sa pagpinusilay.

Ang naposasan nga si Miñoza nga nahinabi sa Superbalita Cebu maoy saksi sa pagkigpinusilay sa iyang kauban sa mga pulis.

Dugang ni Miñoza nga mitahan na lang siya sa iyang kaugalingon tungod sa kahadlok nga basin apil nga mamatay.

Wala mag dahum ang 45 anyos nga drayber sa pampubliko nga sakyanan nga dunay armas ang iyang gisakyan sanglit nga nakisakay ra man kini paingon uli unta sa iyang gipuy-an.

Samtang, lakip usab nga sutaon sa MPU kon ang motorsiklo nga gidrayban sa namatay iya ba kini o kinarnap. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph