KAMPO sa local nga Liberal Party sa dakbayan sa Lapu-Lapu mohangyo sa rehiyonal nga buhatan sa kapulisan nga mangayo sila og police escort.

Ang police escort alang kang congressional aspirant Atty. Eugene Espedido, kinsa nipasangil nga gi-harass na sab siya pinaagi sa pagbato sa ilang pulongpulong.

Si LP mayoral candidate Efrain Pelaez nagkanayon nga ang request gikinahanglan gumikan sa hulga sa kinabuhi sa ilang kaalyado.

Click here for Election 2010 updates

“Grabe na man ang ilang harassment sa amoa. So, mo-request mi og additional police escort for Espedido,” matod ni Pelaez atol sa press conference.

Si Espedido makig-atbang kang incumbent Mayor Arturo Radaza pagka-representante sa lone congressional district sa dakbayan.

Ang pagpamato niadtong miaging semana natala sa police blotter apan wa matala nga adunay mga armado nga tawo nga nasigpatan atol sa kalihokan sa LP.

Sila si Espedido ug councilorial bet Thelma Jumao-as gikataho nga nanagan atol hitabo.