SUPERBALITA CEBU

Balak: Tugon human sa tuob*

MELQUIADITO M. ALLEGO, JR.

Tuburan, Cebu


KON pananglit mag-una ko nimo

Ayaw ikahinugon ni ikasuko

Ayaw pagbangutan inayanaya lang

Hinanali kong pagtalikod.

Pagpakaaron-ingnong ako nagbakasyon

Nagsabatinikal lang sa hilang dapit

Way adres ug ngalan.

Sa damag kapulihay moapas ka ra kanako

Ayha ipatugtog ko ang theme song ta

Motuhop manganaykanay sa tagboanan

Sa langit ug purgatoryo

Sa pagsugat ko kanimo, mahal.

Unya hapnigon andamon ko

Atong naandang higdaanan

Sa pikas lawak sa laing kalibutan.

*Tuob – pahuwas sa hilanat pinaagi sa pinabukal nga tubig nga may sangkap herbal medicine, ubp. ug pagbukot og habol sa lawas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph