SUPERBALITA CEBU

Nalzaro: Bawal gyud ang backride

Saksi

DAGHAN ang nanghangyo ngadto sa Inter-Agency Task Force for the Management of Emerging Infectious Disease (IATF) nga mga mayor nga tugutan na nga maka-back ride ang asawa o ba kaha ubang miyembro sa pamilya sa mga motorsiklo. Labi pa karon nga nagnihit ang public transportation gumikan kay wala pa tuguti nga makabiyahe ang mga public utility jeepneys (PUJ) ug mga taxi kon dili makakuha og clearance gikan sa LTFRB. Nganong dili man tuod tugutan ang asawa nga total inig abot sa balay, wala na may social distancing kay magdulog ra man gihapon na sa katre. Daghan man god tawon ang nangreklamo kay ang mga asawa mosakay og laing sakyanan o maglakaw na lang kay bawal ang back ride bisan pareho sila og gitrabahuan o adtuan. Unya at least makadaginot pod sa pamasahe.

Apan ang tubag ni Department of Interior and Local Government (DILG) Sec. Eduardo Año niini: dili gihapon tugutan ang back ride sa mga motorsiklo bisan ang asawa o mga sakop sa pamilya ubos sa general community quarantine (GCQ) protocol aron masunod gihapon ang social distancing. Matod pang Año violation o supak gihapon kini sa lagda. Matod pa niya nga bisan kon ang asawa maoy mo-back ride, delikado gihapon bisan og mag-uban na sila sa pag-abot sa balay.

Iyang gipasabot nga kon pananglitan ang bana mo-pick up sa iyang asawa sa gitrabahuan niini, unya didto sa trabahuan sa iyang asawa natakbuyan siya sa coronavirus, di matakdan ang bana kay nag-angkas man sila sa motor. Matod pang Año “hangtod nga nia pa ning virus, dili ta puwedeng mosugal ana.” Nanawagan si Año sa mga magtiayon nga mosabot lang usa sa sitwasyon gumikan kay alang lang man usab kini sa kaayuhan sa pamilya o sa tanan. Misugyot si Año nga butangan na lang og sidecar ang motor nila para mahimong pedicab ug makasakay ang asawa nila. Pero sa bukid, dili makasaka ang mga adunay sidecar.

Unya di man sab makaagi ang pedicab sa national highway. Gawas pa, di angay nga butangan og sidecar ang design sa mga motorsiklo karon. Pang-bagets man ang design.

(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph