Way bakuna, way MPBL: Duremdes

KON wala pa’y bakuna nga madiskubrehan batok sa coronavirus disease 2019 (Covid-19), dili pa mobalik sa ilang operasyon ang Maharlika Pilipinas Basketball League (MPBL).

Mao kini ang giklaro ni Commissioner Kenneth Duremdes human gianunsyo sa liga nga ilahang gikanselar ang 2020-21 season.

“Karamihan sa kanila nagsabing, ‘No vaccine, no play,’ muna. Karamihan ‘yun ang comment,” matod ni Duremdes sa interbyu sa ABS-CBN News.

Ang MPBL gilangkuban og 31 ka teams ug kon ipaubos ang tanang mga magduduwa ug ubang sakop sa matag team sa estriktong Covid-19 tests, hayan mag-aginod sa kabug-at sa galastuhan ang mga tag-iya.

“Kasi nakikita namin, mahihirapan din talaga ang mga teams, lalo na kami sa MPBL. Biruin mo naman ang safety measures na kailangan namin dyan,” pasabot ni Duremdes.

“Iche-check mo sila palagi, ite-test palagi, ika-quarantine mo. Mahirap, and aside from that ‘yung mga LGUs hindi pa ready i-open ang facility for us. Karamihan n’yan ginagamit pa for quarantine ang mga gymnasiums nila.”

Nidugang si Duremdes nga usa sa mga rason sa kanselasyon mao ang panahon sa pagtiwas sa season.

Ang liga, nga gitukod ni Senator Manny Pacquiao, nagkinahanglan og walo ka mga buwan aron mahuman ang usa ka season.

“Noong una kinancel na muna natin ang opening, which is June 12 dahil wala na talagang chance. Pero kung October, November mag-start, hindi rin namin matatapos ang season, kapusin kami sa oras,” dugang ni Duremdes.

Sa kasamtangan, matod ni Duremdes nga plano na lang nilang tiwason ang Lakan season sa higayon nga tugtan na sila sa gobiyerno nga makaduwa og balik.

Anaa na sa conference finals ang Lakan season dihang naundang ang mga duwa niini tungod sa pandemic.

Sa North finals, mag-abot ang San Juan ug Makati samtang magsangka sa South finals ang Davao Occidental ug Basilan.

“Kung may vaccine na at allowed na ang contact sports, may mga preseason tournaments. Gagawa kami ng pocket tournaments for them. Meron kaming mga tournament for Northern Luzon, Manila teams, South teams,” matod ni Duremdes.

Sa laing bahin, gipahibalo ni Duremdes nga opisyal na nga ningsumiter og leave of absence ang Cebu ug Pasay gumikan sa pinansyal nga rason.

Apan matod ni Duremdes, dili na kini kinahanglan gumikan kay nakanselar na man ang 2020-21 season.

“Next year na kami magho-hold ng league, kasi lahat naman talaga apektado. Ang akala nila mag-se-start ng June na, pero hindi ‘yun ang priority ng liga, dahil health ang priority ng liga. Naghi-heal din muna sila, hopefully maka-recover din ang mga team owners natin from the pandemic,” pasabot ni Duremdes. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph