SA PLANO ni Top Rank boss Bob Arum, mopahigayon na siya og dagkong mga away human sa inisyal niyang buhian nga mga promosyon karong buwana.
Nanghinaot si Arum nga human sa iyang mga promosyon ning buwan sa Hunyo, hayan mahibalik na sab ang interes sa mga tawo sa boksing.
Taodtaod na sab nga wala’y napahigayon nga promosyon sa boksing sa tibuok kalibutan gumikan sa pagkuyanap sa coronavirus disease 2019 (Covid-19).
“We will be starting June 9 with reaffirmation from Nevada to do boxing events without audiences,” pasabot ni Arum.
Inig human niini, plano na’ng i-finalize ni Arum ang sunod nga away ni World Boxing Association (WBA) welterweight champion Manny Pacquiao, posible batok kang World Boxing Organization (WBO) welterweight king Terence Crawford.
Gitataw ni Arum nga kinahanglang aduna na’y mga tumatan-aw ang Pacquiao-Crawford fight gumikan sa ka dako sa kantidad nga nahilambigit niini.
“Now, for the Pacquiao fight, you have to have an audience because that’s such as a significant portion of the revenue. Without an audience who will put up the money? It’s a big event,” asoy ni Arum.
Adunay ubay-ubay nga dagkong mga away ang naa sa hunahuna ni Arum apan ang Pacquiao-Crawford mao ang nag-una sa iyang listahan nga ipahigayon.
“We are waiting for some clearance for some place, whether it’s in Asia or Middle East that we will get the funding. But most important is we would be able to do it with spectators,” pasabot ni Arum. “Big thing for Manny to be back in a big fight because Manny has a big fan base and following, and people would be happy to see him back in action.” (ESL)