SUPERBALITA CEBU

Trump gipikhan sa coach sa Spurs

GIHULAGWAY ni San Antonio Spurs coach Gregg Popovich si US President Donald Trump nga kuwang sa liderato ug “buangbuang” nga pagka lider taliwala niining kaguliyang ug kagubot nga mihugpa sa ilang nasod karon tungod sa kamatayon sa African-American nga si George Floyd sa niaging semana.

Si Popovich, kinsa dugay nang kritiko ni Trump, mipadayag atubangan sa pahayagang The Nation, nga hangtod karon wala makasulbad si Trump sa mga bayolenting gihimo sa kapulisan ug sa issue sa rasismo sa America nga maoy nagduslit sa nagpadayon nga kasamok sulod na sa tulo ka gabii.

“It’s unbelievable,” matod ni Popovich. “If Trump had a brain, even if it was 99 percent cynical, he would come out and say something to unify people. But he doesn’t care about bringing people together. Even now. That’s how deranged he is. It’s all about him. It’s all about what benefits him personally. It’s never about the greater good. And that’s all he’s ever been.”

“That’s why these protests have been so explosive. But without leadership and an understanding of what the problem is, there will never be change. And white Americans have avoided reckoning with this problem forever because it’s been our privilege to be able to avoid it. That also has to change.”

Matod ni Popovich nga si Trump dili lang usa ka divisive leader, kon dili usa ka destroyer.

“I’m appalled that we have a leader who can’t say ‘Black Lives Matter,’” dugang ni Popovich. “In the end, what we have is a fool in place of a president, while the person who really runs the country, Senator Mitch McConnell, destroys the United States for generations to come.”

Si Popovich usa sa pipila ka mga head coaches ug mga assistant coaches nga mipirma sa pamahayag sa National Basketball Coaches Association nga katungod nila ang pagpadayag alang niadtong mga nagpakahilom.

Matod pa sa ESPN nga ang NBCA nagporma og komitiba sa mga kasamtangan ug mga nangaging coaches kinsa makigtambayayong sa mga local leaders ug law inforcement alang sa kausaban human sa kamatayon ni George Floyd kinsa gitudhan ang li-og sa usa ka puti nga pulis didto sa Minneapolis sulod sa pipila ka minutos nga maoy namatyan, sigo sa official autopsy report.

“In other words, he was murdered,” tweet ni Golden State Warriors coach Steve Kerr, kinsa uban ni Popovich nalakip sa maong committee nga gilangkuban usab nila ni Atlanta Hawks coach Lloyd Pierce, kanhi New York Knicks coach David Fizdale ug kanhi coach Steve Van Gundy. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph