LIMA na ka mga city isolation units (CIU) sa Cagayan de Oro ang na-certify sa Department of Health (DOH), samtang nagpadayon pa sa pagkumpleto sa mga rekisitos alang sa ubang mga isolation units.
Tumong niini nga mapa-accredit sa buhatan sa Philippine Health Insurance Corporation (Philhealth) aron usab nga dunay reimbursement o mabayaran sa mga nagastos sa lokal nga kagamahanan sa matag indibidwal nga gipahimutang alang sa kwarantinas sa maong dapit.
Gibutyag ni Dr. Lorraine Nery, officer-in-charge sa City Health Office (CHO), nga duna na’y lima nga na-certify na sa DOH.
“Our fifth City Isolation Unit has already been DOH certified. Sa pagkakaron naa na tay lima ka CIUs nato nga gi-certify by the Department of Health,” matud ni Nery.
Dugang niini nga target sa siyudad nga mapa-accredit ang 13 ka mga CIU sa siyudad ug ang uban samtang gikumpleto pa ang mga rekisitos.
“Ang atong target is ang atong thirteen ka CIUs ato gyud mapa-accredit or ato gyud mapa-certify sa Department of Heath ready sila for accreditation to Philhealth later,” dugang niini.
Una na nga gipanghingusgan ni Mayor Oscar Moreno nga mapa-accredit ang mga CIU ilabi na nga daghan na ang mga locally stranded indvidual (LSI) ug mga overseas Filipino workers (OFW) ang kasamtangang anaa sa CIU. Giingong rason nga naningkamot nga matabangan sa nasudnong goberyno sama sa Philhealth.
“Mao sab biya na rason nganong gi-accelerate pud nato kanang acceleration sa atong CIU sa DOH ug sa Philhealth kay kana nga mga facilities lugar entitled kana sa reimbursement sa Philhealth,” dugang ni Moreno.