SUPERBALITA CAGAYAN DE ORO

Na-stranded sa CdeO nagpositibo sa Covid-19 sa Caraga

File Photo.

ANAA na sa lima ang close contacts nga na–trace sa City Health Office (CHO) sa usa ka nagpositibo sa coronavirus disease (Covid-19) nga na-stranded sa dakbayan sa Cagayan de Oro.

Giingong ang 41-anyos gikan sa Manila ug na-stranded sa dakbayan gumikan na usab sa general community quarantine (GCQ) sulod sa tulo ka bulan sa Zone-13, Barangay Bulua ning siyudad.

Gibutyag ni Dr. Lorraine Nery, officer-in-charge sa CHO, gikan sa Manila ang maong indibdiwal ug nagpositibo sa Covid-19 niadtong Mayo 21 sa Agusan del Su,r kinsa giingong na-stranded sa siyudad.

“Nag-positive didto sa Agusan del Sur, tested positive last May 21 at Agusan and there’s history that the patient came from Manila and was stranded here in Cagayan de Oro due to our community quarantine. And the individual stayed in Zone 12, Bulua, Cagayan de Oro City for three months,” matud ni Nery.

Dugang pa nga sa ilang pag-contact tracing nasuta nga nakakuha kini og travel pass sa Provincial Health Office sa Misamis Oriental, rason nga nakabiyahe paingon sa Caraga region.

Sa dugang imbestigasiyon giingong nibiyahe kini paingon sa maong dapit sakay sa van gikan sa Agora terminal nga gipalapdan pa ang pagsuta, labi na ang mga transport system nga gigamit niini nga Covid-19 patient.

Usa niini ang giingong tag-iya sa balay nga gipuy-an sa pasyente apan anaa sa "low risk" ang assessment, ilabi na nga wala man kini sila nagpuyo sa usa ka balay tungod kay susamang ga-renta lamang kini.

Duna’y laing upat usab nga close contact ang gitan-aw kinsa plano usab nga ipaubos sa swab test.

"All in all naa ta’y five contacts didto sa Barangay Bulua. Ang atong plano ani sa ilaha katong close contact nato atong ipahigayon pareho sa ginapangbuhat nato sa uban ,we will do a tandem testing rapid diagnostic test plus the swab test," dugang ni Nery.

Sigon ni Nery nga makigkoordina usab kini sa PHO sa Misamis Oriental ilabi na nga nasuta nga nakakuha kini og travel pass sa maong buhatan.

Padayon ang contact tracing ug posibleng madugangan pa ang indibidwal nga close contacts niini nga kaso.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph