Mipanaw na sa laing kalibutan ang Hall of Famer sa NBA nga si Wes Unseld, usa sa duha lang ka mga players nga na MVP sa unang tuig sa NBA.
Siya namatay niadtong Martes sa pangidaron nga 74 anyos. Siya napili sa Baltimore Bullets isip second pick sa 1968 draft.
Taodtaod siyang nag-antos sa sakit nga pneumonia.
“He was our hero and loved playing and working around the game of basketball for the cities of Baltimore and Washington D.C., cities he proudly wore on his chest for so many years,” pamahayag sa iyang pamilya.
Si Unseld maoy usa sa mga naggiya sa bugtong NBA title sa maong prankisa niadtong 1978 ug maoy nahimong MVP niadtong tuiga. / JBM