MOABOT 30 ka mga bag-o nga positibong kaso sa coronavirus disease (Covid-19) ang natala lukop lalawigan sa Sugbo sa Hunyo 4, 2020.
Kini maoy resulta sa Covid-19 test sa 215 ka mga swab samples nga gisumiter sa probinsya sa Sugbo ngadto sa Vicente Sotto Memorial Medical Center (VSMMC), ang sub-national laboratory sa Central Visayas.
Matod ni Gobernador Gwendolyn Garcia, atol sa press conference sa kapitolyo, nga wala pay detalye kon asa gikan ang mga positibong kaso.
Sa kinatibuk-an, moabot na sa 236 ka mga kaso ang natala sa lalawigan sa Sugbo. (ANV)