SUPERBALITA CAGAYAN DE ORO

Nagpositibo sa Covid test dili taga Cagayan de Oro

GIKLARO sa Cagayan de Oro City Health Office (CHO) nga ang gikataho nga nagpositibo sa rapid diagnostic test sa checkpoint sa nilabay nga mga adlaw sa Davao City dili kini taga Cagayan de Oro.

Gibutyag ni Dr. Lorraine Nery, officer-in-charge sa City Health Office, nga sa pagsuta sa Department of Health (DOH) ug ubang mga hingtungdan nga ahensya nasuta nga dili kini sa dakbayan sa Cagayan de Oro.

“About the case nga katong na-report dinhi sa Cagayan de Oro nga nagpositive sa rapid diagnostic test sa Davao nga checkpoint, we would like to inform the public that the case is not from Cagayan de Oro City,” matud ni Nery.

Gidugang pa nga karong panahona gi-atiman na kini sa buhatan sa hingtungdan nga munisipalidad.

“So as of now this is being handled by the municipal health office nga concern in coordination with the DOH-Northern Mindanao. So again dili taga Cagayan de Oro City ang kini nga kaso,” dugang pa.

Samtang duna’y 26-anyos usab nga lalaki nga usa ka Overseas Filipino Worker (OFW) nga taga Caraga Region ang nagpositibo sa Covid-19 nga gi-report niadtong Hunyo 2 sa Butuan City.

Giingong ang history niini giingong nakapauli pinaagi sa sweeper flight kauban usab ang mga taga Caraga. Gidugang pa nga nakapundo pa og usa ka gabii sa usa ka hotel sa Diyudad sa Cagayan de Oro.

Nagpositibo kini sa rapid test niadtong Mayo 26 ug nakumpirma nga positibo pinaagi sa RT-PCR test rason nga gi-report kini sa DOH-Caraga Region dinhi sa DOH-Northern Mindanao ilabi na nga duna kini history nga naka-stay og usa ka gabii sa siyudad.

Padayon karon ang pagtutok usab niini nga kaso ilabina kon unsa ang gisakyan gikan sa Laguindingan paingon sa hotel lakip na ang pagpaingon sa Caraga Region.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph