GIMUGNA na ang task group kalabot sa pag-ambush sa mayor aron matutokan ug masulbad gyud dayon kini nga krimen.
Gibutyag ni Police Major Evan Viñas, tigpamaba sa Cagayan de Oro Police Office (Cocpo), nga nakig-alayon na sila sa National Bureau of Investigation (NBI) ug uban pa aron nga matutokan ang kaso.
“We have the close coordination with the National Bureau of Investigation as well as the Regional Intelligence Division and our R7 on the investigation section,” matud ni Viñas.
Samtang gipaniguro usab ni Mayor Oscar Moreno nga mahatagan og kasulbaran ang maong kaso ilabina nga sensitibo kaayo kini ug kinahanglan nga mapangitaan og paagi nga masulbad gyud dayon aron usab mahatagan og hustiya ang mga biktima.
Una na usab niini nga gi-kondena ang maong panghitabo.
“Non-negotible ka na, kinahanglan nga mapangitaan og paagi nga ma solve,” matud ni Moreno.