SUPERBALITA CEBU

Pulis sa San Fernando positibo sa Covid-19

Nigawas na sa resulta sa swab test sa 16 ka mga pulis sa police station sa lungsod sa San Fernando, lalawigan sa Sugbo nga gipanglain human dunay ilang dinakpan nga positibo sa Covid-19, usa kanila ang nagpositibo sa virus.

Apan ang naasoy nga pulis gitipon na sa ubang mga pulis gikan sa dakbayan sa Sugbo nga positibo sa Covid-19 sa isolation facility sa Don Vicente Rama National High School (DVRNHS) sa Barangay Labangon.

Mao kini ang gipahibalo sa hepe sa Cebu Provincial Police Office Police (CPPI), Colonel Roderick Mariano.

Dunay mga pulis sa Cebu City Police Office (CCPO) nga unang nagpositibo nga gipanglain na hinungdan nga gitipon ang usa ka pulis sa San Fernando aron mausa sa pag-atiman kanila.

Gihulagway ni Mariano nga asymptomatic ang maong pulis o walay gipamati sa lawas sama sa ubang nagpositibo nga pulis sa dakbayan sa Sugbo.

"Nag-negative na halos lahat sila. Iisa na lang ang pending at mayroon tayong isa ang nag-positive at immediately ina-isolate na natin siya at dinala na natin duon sa Don Vicente Rama High School, ating isolation area,” matod ni Mariano.

Tungod sa maong resulta, gipa-disinfect ni Mariano ang tibuok building sa San Fernando Police Station ug gitakda kini nga ablihan sa mosunod nga mga adlaw.

Kasamtangan lang una nga nag-opisina ang kapulisan sa San Fernando sa sulod sa munisipyo diin padayon sila nga midawat og reklamo sa mga residente sa lungsod.

“Initially naka-lockdown pa rin. We need to disinfect muna sila yung police station, duon sa lockdown natin na mga personnel. Lahat sila duon negative naman kaya papa-disinfect ko lang para maibalik natin yung normal nuong station. Hingi lang ako ng clearance

sa ating higher headquarters kung pwede na, but initially yung ating front desk yung ating desk officer inilagay ko sa loob ng municipal hall,” dugang ni Mariano.

Moabot na sa duha ka mga pulis sa probinsiya sa Sugbo ang nagpositibo sa Covid-19 diin ang usa niini nadestino sa pink room sa Vicente Sotto Memorial Medical Center (VSMMC).

Gipahibawo usab sa Police Regional Office (PRO) 7 nga misaka ang recoveries sa mga pulis sa Central Visayas nga nag positibo sa Covid-19 diin moabot sa 35.41 percent ang recovery rate. Sa talaan sa Regional Health

Service, miabot sa 48 ka pulis ang kinatibuk-ang nagpositive sa virus.

Matod ni P/Lieutenant Colonel Joan Sia, officer-incharge sa Regional Health Service, nga 46 sa 48 nga nagpositibo sa Covid-19 gipaubos sa isolation and recovery facility sa PNP samtang ang usa naa sa pribadong tambalanan tungod sa komplikasyon ug ang usa gipaubos sa home quarantine.

Hugot sila nga gi-monitor sa mga medical team nunot sa mando ni Police Brigadier General Albert Ignatius Ferro, hepe sa PRO 7, nga dili sila biyaan sa ilang sitwasyon karon. / AYB


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph