SUPERBALITA CEBU

Labella mihangyo sa Ceres nga PUJ drivers padraybon



Mopadala og suwat si Mayor Edgardo Labella ngadto sa management sa Vallacar Transit Inc., tag-iya sa mga Ceres bus, para matabangan ang gatusan ka mga driver sa PUJ nga makabaton og temporaryong panginabuhian.

Ang Cebu City ug kasikbit nga mga siyudad nagkuwang og kapin 200 ka mga bus. Matag bus nagkinahanglan og tag duha ka driver ug duha ka mga konduktor para sa ilang operasyon.

“We saw the need to augment the number of transportation in the City. We only have 50% running. There is a need for us to allow drivers to earn the living, at the same time for commuters will go from their houses to their respective work places and given a chance to ride,” padayag ni Labella. Matod sa mayor, kadtong mga PUJ driver nga kamaong momaneho og bus ang iyang paapilon sa programa.

Si Labella niingon nga naproblema ang management sa Ceres gumikan kay ang ilang mga driver naproblema kay di sila suhito sa mga rota sa Cebu City.

“There are many drivers of the bus company that are based in the provinces or the municipalities. And we realized that many of them are not familiar with the city streets,” dugang ni Labella.

Matod niya nga nangayo sila og lista sa kooperatiba sa mga drayber ug Pinagkaisang Samahan ng mga Tsuper at Operator Nationwide (Piston) para mahimo silang prayoridad.

Si City Attorney Rey Gealon maoy gitahasan ni Labella sa pagpadala og komunikasyon sa management sa VTI aron mahatagan og panginabuhian ang mga PUJ driver.

Ang City Government nigahin og 1,000 ka sakong bugas humay ngadto sa mga PUJ driver sanglit ang ilang mga unit wala tugoti sa LTFRB nga makabiyahe ang ilang mga unit. /


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph