SUPERBALITA CEBU

Mandaue City Council mihangyong angkas itugot

Nihangyo ang konseho sa dakbayan sa Mandaue ngadto sa Inter-Agency Task Force for the Management of Emerging Infectious Disease (IATF-MEID) ug Department of Transportation (DOTr) nga tugtan na ang pagpa-angkas.

Giaprobahan sa konseho ang resolution nga gisuwat ni Mandaue City Councilor Carmelino Del Mar Jr. niadtong Lunes, Hunyo 1, 2020.

Sa pakighinabi sa Superbalita Cebu kang Atty. John Eddu Ibañez, executive secretary ni Mandaue City Mayor Jonas Cortes, giendorso na sa konseho ang maong resolution ngadto sa IATF ug DOTr.

Sa pagkakaron, padayon gihapon nga gipatuman ang direktiba sa nasudnong pangagamhanan nga gidili pa ang pag-angkas sa motor.

Sa panahon nga motugot na ang IATF ug DOTr, tugutan na ang mga motorista nga adunay angkas, apan giklaro ni Ibañez nga pamilya lang ang angay nga makaangkas.

Sigon ni Ibañez nga nakasabot ang lokal nga kagamhanan sa Mandaue City sa reklamo sa mga motorista apan kinahanglan sab silang motuman

sa nasudnong kagamhanan.

Gipasabot sa resolution nga sa panahon nga gipaubos ang dakbayan sa general community quarantine, ang ubang mga opisina ug negosyo gipang-ablihan na, apan ang public transportation nagpabilin nga gisuspenso.

Gikonsiderar sa Konseho sa Dakbayan nga ang sagad nga sakyan sa mga lumulupyo kung paingon sa trabaho o mupalit ug mga essential goods mao ang motor. / KFD


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph