Opisyal na nga mobalik ang aksyon sa National Basketball Association (NBA) karong Hulyo 31, 2020 sa Disney complex sa Orlando, Florida apan aduna ra kini 22 ka teams.
Mayorihiya sa Board of Governors ang ningboto ning maong lakang ug ning-uyon ni commissioner Adam Silver nga ang teams na lang nga nakaseguro na og puwesto sa playoff s ug ang aduna pa’y poruhan sa playoff s ang pabalikon.
Sa 30 ka tag-iya og teams sa NBA, usa ra ang nisupak.
Nahunong ang operasyon sa NBA niadtong Marso 11, 2020 human nasuta nga positibo sa coronavirus disease 2019 (Covid-19) ang pambatong sentro sa Utah Jazz nga si Rudy Gobert.
Gipasabot ni Silver nga sa pagbalik sa operasyon sa liga, gipaneguro nila nga masunod ang tanang mga tulomanon sa gobiyerno aron maseguro ang kaluwasan sa tanang mga nangahilambigit hilabi na kay padayon gihapon ang hulga sa Covid-19.
“The Board’s approval of the restart format is a necessary step toward resuming the NBA season,” pamahayag ni Silver.
“While the Covid-19 pandemic presents formidable challenges, we are hopeful of fi nishing the season in a safe and responsible manner based on strict protocols now being finalized with public health offi cials and medical experts.”
Nidugang si Silver nga ilaha sab ipaneguro nga sa ilang pagbalik, makatabang ang liga sa pagpakigbatok sa racism nga ning-ulbo na sab sa tibuok Amerika human sa kontrobersyal nga kamatayon sa black American nga si George Floyd.
“We also recognize that as we prepare to resume play, our society is reeling from recent tragedies of racial violence and injustice, and we will continue to work closely with our teams and players to use our collective resources and infl uence to address these issues in very real and concrete ways.”
Gipahibalo ni Silver nga ang NBA draft lottery gikatakda karong Agusto 25, 2020 samtang ang rookie draft karong Oktubre 15, 2020.
Gibanabanang mapahigayon ang Finals deciding Game 7 – kon aduna man gani – karong Oktubre 12, 2020.
Ang kasamtangang nagpatong sa Top 8 sa Eastern Conference mao ang Milwaukee Bucks, Toronto Raptors, Boston Celtics, Miami Heat, Indiana Pacers, Philadelphia 76ers, Brooklyn Nets ug Orlando Magic.
Sa Western Conference mao ang Los Angeles Lakers, Los Angeles Clippers, Denver Nuggets, Utah Jazz, Oklahoma City Thunder, Houston Rockets, Dallas Mavericks ug Memphis Grizzlies.
Ang ubang teams nga mobalik mao ang New Orleans Pelicans, Portland Trail Blazers, Phoenix Suns, Sacramento Kings, San Antonio Spurs ug Washington Wizards.
Ang teams nga nanamilit na mao ang Charlotte Hornets, Chicago Bulls, New York Knicks, Detroit Pistons, Atlanta Hawks, Cleveland Cavaliers, Minnesota Timberwolves ug Golden State Warriors. / AP, ESL